Aizawl: Railways Minister Ashwini Vaishnaw chuan Sairang-Hmawngbuchhuah rel kawng siam tum chu sum a hautak avang leh sum senso nena chhutin a hlawk loh dawn nia hriat a nih vangin hmalak zui theih a nih loh thu a sawi.
Lok Sabha \hutkhawm neih mekah nimin khan Mizoram MP C Lalrosanga zawhna pahnih ziaka chhan a ni a. Zawhna pakhat zawk, railways minister-in a chhan danin, Sairang a\anga Lawngtlai district-a awm, Hmawngbuchhuah thlenga rel kawng siam rawtna chu Reconnaisance Engineering-cum-Traffic survey lak a nih hnuah, km 223-a thui rel kawng tur hi Rs vbc 15,007 zet sen a \ul dawna ngaih a nih avangin, a senso tur nena chhutin a hlawk loh dawn em avangin hmalak zui theih a nih loh thu railways minister hian a sawi.
He rel kawng siam tum hi a hlawk lohna tur Rate of Return (RoR) hi minus (-) zaa 10.45 a nih thu a sawi bawk.
Mizoram MP C Lalrosanga ziaka zawhna Minister of State for Communications Devusinh Chauhan a chhan danin, Communications Ministry hnuaiah Mizorama dak in (post office) 64-ah Core Banking Facility dah tum a ni a.
Devusinh Chauhan hian ram puma dak in zawng zawng 1,58,526 zinga 1,52,514-ah Core Banking system hi hman a nih tawh thu leh, hei hian hmarchhak bial kilkhawr zawk leh thingtlanga net banking, mobile banking leh ATM bakah post office accounts khawih a tiawlsam dawn tih a sawi bawk.