NIT Mizoram director tharin NE-a a tha ber pawla chhuah tum

Aizawl: National Institute of Technology (NIT) Mizoram director thar, Prof S. Sundar chuan NIT Mizoram chu India hmarchhaka technology institute \ha ber pawl ni tur leh India ram hmun tin a\anga zirlaite pan châk ni turin a theihtawp chhuah a tum tih a sawi.
NIT director thar chuan nimin khan chanchinbumite kawmin, NIT Mizoram dinhmun leh hmachhawp hrang hrangte a sawi a. NIT Mizoram chu technology institute \ha ber pawl ni tura theihtawp chhuah a tum thu a sawi rualin a lo thawh tawhna \hin, IIT Madras nena thawhhona thuthlung pawh ziah fel thuai an inbeisei thu a sawi.
Prof Sundar chuan IIT Madras nen thawkho turin inbiakna an nei tawh tih a sawi a, NIT Mizorama B Tech Final Year zir turte chu IIT Madras-a an zir theihna turin hma a la dawn tih sawiin, “Zirlaite tan hmasawnna tam tak a awm ngei ka beisei,” a ti.
Prof Sundar chuan NIT Mizorama zirlai zingah mi thiam tak tak an chhuak tawh tih sawiin, zirlaite thiamna pe theitu tur zirtirtu lak belh an ngai tih sawiin, “Tun dinhmunah zirtirtu 75 awm turah 38 an awm mek chu lak belh an ngai,” tiin a sawi.
Zirnain hma a sawn dawn chuan zirtirtu \ha an ngai tih sawiin zirtirtuten indaih taka zirna an kalpui theih nan hma a la dawn tih a sawi.
NIT Mizoram chuan an campus chhungah building sak a nih thuai theih nan theihtawp an chhuah mek zel tih director chuan sawiin, tun dinhmunah building hrang hrang luahin zirna an kalpui mek tih sawiin hmun khata awm turin hma an la mek tih a sawi.
NIT Mizoram hi kum 2010 khan din a ni a, NIT-ho hi India rama engineering leh technology lam zirna zinga \ha ber pawl a ngaih a ni. Tunah hian NIT Mizoram hian B.Tech, M.Tech leh PhD Degree zirna kalpui mek a ni.
Zirlai 190 vel session khat chhungin an awm \hin a, hetah hian admission ti tur chuan All India Entrance Exam- Joint Entrance Exam (JEE Main) paltlang a ngai a ni.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427