MNF Adviser Lalruatkima chuan sorkar flagship programme SEDP hi dinchhuah pui a, hmasawn pui turin mipuite an beisei tih a sawi.
Dinthar YMA Hall-a Aizawl West II bial chhunga MLA fund hmanga lei puan\hui khawl semna hun neihah bialtu MLA Lalruatkima chuan, SEDP chak taka buaipui mek a nih thu sawiin, “SEDP-ah hian in theihna zawng, intuina zawng, in thiamna zawng in lo thlang dawn a nia. SEDP hi dinchhuah pui a, hmasawn pui turin mipuite kan beisei a, a thlawna dawngah inngai lo turin kan chah a ni,” a ti.
Mipuite siam sorkarin Zoram hmasawn nan theihtawp a chhuah mek zel tih sawiin Lalruatkima hian, “He bial leh ram hmasawnna hi mipuite vang a ni a, min \awiawm ula, min finchhuah ula, min \awng\aipui zel rawh u,” a ti a. MNF sorkar hma boruak thlir kirin, zu zawrh avanga ruma \ahna te chu tunah hian a reh tak thu te, sikul \an hun tihtlai a ni ta te, kawng chhia avanga rumna a lo ziaawm tak thu te leh gas harsatna a reh tak avangin hmasawnna nasa tak hmuh mek zel a nih thu a sawi.
Aizawl West II bialtu MLA hian, hripui leng karah bial chhungah hmasawnna hna nasa taka kalpui mek zel a nih thu a sawi a. “Sawi mai sen loh hmasawnna hna thawh a ni tawh a, thawh mek zel a ni bawk,” tiin, hripui lengin kiam lam a pan tak avangin hmasawnna chi hrang hrang a nih tur angin a ni leh dawn ta chu lawmawm a tih thu a sawi bawk.
Bialtu MLA Lalruatkima’n he hunah hian puan\hui kawl 103 a sem a ni.
He hun hi AMC Dy Major R Thanglura leh AMC Ward XIII Councillor Lalfakzuala te pawhin an hman pui a ni.