Tunhnaia inhuatna lam thu sawi vang te, midang hmusit a, tihduhdahna lam hawi vangte’n Meta thuneitute chuan Kanye West chu instagram khawih an khapsak lailawk.
Hei hian darkar 24 a awh phawt dawn a, a tul dan ang zela enthlak zui a ni ang a, a nupui hlui Kim Kardashian a chhawn chhaih danah thil tha lo tak awmah ngaiin, a thil post pawh hi a hnu rei vak lovah paih nghal a ni. Kim-i kawppui Pete Davison, comedian DL Hughley leh Daily Show host Trevor Noah laka post a siam duh dan chu Instagram hotute’n enliam chi ah an ruat lo.
Noah hian inlainat tawnna, inhriatthiam tawnna leh thinlung damna neih a pawimawh thu sawiin, Kanye nena an inkarah harsatna siam belh lova, tha te te-a indawr a duh thu a sawi nghe nghe.
Kanye erawh chuan hla lar tak hmangin tawngkam mawi lo a zep tel hram a, beiseina leh inpumkhatna lam hawi hla ah hian thu pakhat chu thlak danglamin, chi leh vun rawng thliar theih-na lam hawi a dah.
Hengte vang hian Instagram neitu Meta thupuangtu Joe Osbrone chuan rapper hian inhuatna lam hawi sawi khat burna dan bawhchhia-in, inhmuhsitna leh insawi-sakna lam rawngkai thlenga kalpui chu an policy a nih loh avangin tun atanga darkar 24 chhung chu eng-mah a post theih lohna turin an dang bet.
Hetah hian DM a thawnin, a dawng thei dawn lova, a comment thei lo bawk ang.