Thla thum an chawlh hnuah motorsport a inelna dahsan leh ngaihhlut Formula 1 season thar \an a ni dawn a. Naktuk zanah Bahrain-ah an intlansiak dawn.
2021 season-ah Mercedes driver vawi sarih world champion ni tawh Lewis Hamilton leh Red Bull driver Max Verstappen te inelna boruak in Formula 1 infiamna a vawrh a. Season tawp dan pawhin sawi a hlawh.
A nghahhlelhawm
Tun season-ah world champion thar Max Verstappen chu champion nawn leh tura rinkai niin bul a \an dawn a, Mercedes driver Hamilton nen bawk an inel leh ang.
Team lamah pawh Red Bull team principal Christian Horner leh Mercedes hotupa Toto Wolff te inbeihna boruak bawk a sang lehin a rinawm a. Season \an hma a\angin Horner-a’n \awngkama inbeihna a \an der tawh.
Red Bull hotupa hian Mercedes in an nawr nasat avangin nikuma Formula 1 race director Michael Masi chu ban a ni niin a ngai a, Max Verstappen-a world title lak chu sawihnawn phet an tum niin an elpuite a puh.
Hei chauh hi tun Formula 1 season thar tinghahhlelhawmtu a ni lova. Intlansiak a hmuhnawm zawk nan technical rules thar hlak hman a ni a, team tinte car a danglam hlak.
Car thar a danglam
Tun season-ah car thar vek team ten an hmang dawn a ni satliah lo – kum 40 chhunga car a danglam nasat ber \um a ni dawn.
Season tinin car tihdanglam a ni a, kuminah erawh car hmelhmang pawh a danglam hlak a. Hei chauh hi ni lovin kum dangah F1 car design-te hi technical rules a khauh avangin a inang \hum \hin a, kumina dah tharah erawh team hrang hrangte car a inang lo hle.
Ferrari car in sidepod lian tak a hman laiin Mercedes in sawi hat tling khawpin sidepod nei mang lovin an car an duang a. Hengte hi F1 tuimi tan thil ngaihnawm a tling.
Eng vang nge?
F1 technical rules thar hi kum nga kalta a\ang tawha hmang tura an duan a ni tawh a, uluk taka zirchian a nih hnuah intlansiak hmuhnawm zawk chhawpchhuahna tura hmalakna a ni.
F1 car-te hi tunlaia an duan danah intlansiak laia hnaih taka inum an harsat \hin a, hei hian intlan lehpelh a ti har \hin.
Hei hi a chhan hrang hrang zinga a lian berah chuan aerodynamics vang a ni a, car in boruak a sut danin nghawng thui tak a nei.
Car inumah a hma ami zawkin boruak a sut tlangna hnu chu a hnung ami tan car tlan chak zawng nghawng thei khawpin boruak a tidanglam a, hei hian a hnung zawk ami tan tlanchak a ti har \hin.
F1 dan tharah hei hi siam\hat tum a ni a, car hnung zawk ami in a hma ami boruak thaw a dawn chu a tam loh nan F1 car thar-te an boruak sut tlang chu an hnungah ni lovin a chung lama a kal theihna turin an siam.
Kumina car siam dan a danglam langsar zual zingah car ke lian zawk an hmang a, a hma leh a hnung lama car tinghet tura a thla an siam dan pawh tihdanglam a ni a, car chhuat tihdanglam ni bawkin tlan chak laia a ngheh zual nan ‘venturi tunnel’ an nei vek a, a hnuaiah hian boruak kalna tur awng lian an siam.
Tunge tlan chak dawn?
Tun season-ah intlansiak 23 neih tum a ni a, F1 chanchina a tam ber \um a ni ang. Russian Grand Prix chu Ukraine an run avangin neih a ni dawn lova, a thlakna tur erawh a awm dawn a, tihfel erawh a la ni lo.
Barcelona leh Bahrain-ah season thar inbuatsaihna atan ni thum ve ve pre-season testing kalpui a ni a. He test hunah hian team hrang hrangten an car \hat dan, rintlak dan leh a nungchang an zirchiang.
Pre-season testing-ah team zawng zawngin an car tlanchak zawng an tilang vek ngai lova, tlanchak tehna atan hman tlak a ni lo. Chutihrualin team hrang hrangte tlan dan thlirin team pahnih an che \ha a ngaih a ni a. Red Bull leh Ferrari te lakah beisei a sang.
Mercedes nen F1 team lian pathumte hi tun season-ah inhnaih zawka a hmalama inel tura ngaih an ni a, chutihrualin constructor’s champion ni lai Mercedes in beisei angin hun an hmang lo niin an insawi.
An car thar chu an tlan chak zawngin a su nasa a, hei hian khalh a ti harsa zual niin an driver pahnih Hamilton leh an lakluh thar George Russell ten an sawi.
British team, F1 chanchin a team hlawhtling ber pathum zinga tel McLaren pawh an tlanchak thei viau a ngaih a nihlaiin pre-season test-ah an car siam ngai a awm leh \hin a. Season \an hma in in chinfel hman an inbeisei.
Eng nge an sawi?
Mercedes driver Hamilton chuan an car thar chu season tharah pakhatna hauh nghal thei tura tlanchak tawk a la nih loh thu a sawi.
“Tunah hian season \an ila Ferrari an chak anga, Red Bull nen an inum ang. An hnungah McLaren nen kan inum velin ka ring.” tiin kar hmasa khan Hamilton chuan a sawi.
Hetihlai hian Ferrari driver Carlos Sainz chuan, “Hei hi Mercedes tihdan \hin a ni. Kum tam tak lo hmu tawh \hin ni lo ila chu Lewis-a sawi hi ka awih ang, mahse kumdangah pawh testing-ah chak lo deuh angin an awm a, intlansiak hmasa berah hnehna an chang leh tho zel.” a ti a. Red Bull driver Verstappen pawhin Mercedes chu an la inthup niin a ngaih thu a sawi.
Ferrari car khalhtu dang Charles Leclerc chuan hma an sawn chungin Red Bull chu an \ha ber nia a ngaih thu a sawi ve bawk.
“Nikum angin second khat tlingin kan inthlau tawh dawn lo niin a lang a, hei hi a lawmawm. Mahse Red Bull hi chu kan la pha lo deuhin ka ngai, Mercedes in an theihna tak tak an la thup a, tuna kan hmuh ang chauh hi an ni dawn lo.” a ti ve bawk.
Driver dangte
Tun season-ah Formula 1 ah driver thar pakhat chauh a awm dawn a, Chinese driver Guanyu Zhou chuan Alfa Romeo a khalh ang.
Haas driver Nikita Mazepin chu Russia buaina avangin a contract tihtawp a ni a, a thlaktu turin an driver hlui Kevin Magnussen ko let a ni a. Bahrain-ah Covid 19 a kai avangin Aston Martin car khalhtu Sebastian Vettel chu Nico Hulkenberg chuan a thlak ang.
2022 Formula 1 Calendar:
Bahrain Grand Prix - March 18-20 Bahrain International Circut Sakhir, Bahrain
Saudi Arabian Grand Prix – March 25-27
Jeddah Corniche Circut Jeddah, Saudi Arabia
Australian Grand Prix – April 8-10
Melbourne Grand Prix Circuit Melbourne, Australia
Gran Premio dell’Emilia Romagna – April 22-24
Autodromo Internazionale Enzo e Dino Ferrari Bologna, Italy
Miami Grand Prix – May 6-8
Miami International Autodrome Miama, USA
Gran Premio de España – May 20-22
Circuit de Barcelona-Catalunya Barcelona, Spain
Grand Prix de Monaco – May 27-29
Circuit de Monaco Monte Carlo, Monaco
Azerbaijan Grand Prix – June 10-12
Baku City Circuit Baku, Azerbaijan
Grand Prix du Canada – June 17-19
Circuit Gilles Villeneuve Montréal, Canada
British Grand Prix – July 1-3
Silverstone Circuit Towcester, UK
Großer Preis von Österreich – July 8-10
Red Bull Ring Spielberg, Austria
Grand Prix de France – July 22-24
Circuit Paul Ricard Le Castellet, France
Magyar Nagydíj – July 29-31
Hungaroring Mogyoród, Hungary
Belgian Grand Prix – August 26-28
Circuit de Spa-Francorchamps Stavelot, Belgium
Dutch Grand Prix – September 2-4
Circuit Zandvoort Zandvoort, Netherlands
Gran Premio d’Italia – September 9-11
Autodromo Nazionale di Monza Monza, Italy
Singapore Grand Prix – Sep 30-Oct 2
Marina Bay Street Circuit Marina Bay, Singapore
Japanese Grand Prix – October 7-9
Suzuka International Racing Course Suzuka, Japan
United States Grand Prix – October 21-23
Circuit of the Americas Austin, USA
Gran Premio de la Ciudad de México Oct 28-30
Autódromo Hermanos Rodríguez Mexico City, Mexico
Grande Prêmio de São Paulo – November 11-13
Autódromo José Carlos Pace São Paulo, Brazil
Abu Dhabi Grand Prix – November 18-20
Yas Marina Circuit Yas Island, Abu Dhabi