Mizoram BJP chuan Lengpui Airport building sak \hat hnathawh endik a nih hma chu hnathawh chawlhsan tura an phut thu an sawi.
Lengpui Airport buidling chim chungchangah nimin khan BJP Central Schemes Monitoring & Vigilance Cell chuan Aizawl Press Club-ah thu thar theh darh tute an kawm a. He huna an sawi danin, Lengpui Airport hnathawh lai chim chungchang hi March 15, 2022-a an enfiah a\angin, Finance leh PWD changtu chief minister Zoramthang chu he thil thlenga mawhphurhtuah an puh.
Lengpui Airport hnathawh lai chim hi India ram puma thil zahthlak, Mizoram mipuite tana thinrimthlak a ni tiin, “Tuna Airport Cute siam tumna kawnga Iron & Steel structure, Cement Concrete ban, beam, slab awm tawhsa bakah, bungraw hman tur thlenga mithiam ten an endik hma chu hna zawng zawng chawlhsan rih turin kan phut a ni,” an ti.
BJP Central Schemes Monitoring & Vigilance Cell chuan, sorkar tan Airport enkawlna leh thlawhna service hi mipui sum khawhralna a nih avangin mimal enkawl turin sorkar laipui pawhin an dah deuh vek tawh tih an sawi a. “State rethei, Mizoram sorkarin Lengpui Airport a enkawl pawh hi hlawkna nei lo kum tin mipui chhiah pek tlingkhawm budget a\anga Rs 350 lakh khawhralna a ni,” tiin, ngaihtuahna fim tak hmanga ennawn a \ul thu an sawi.
Special Central Assistance hnuaiah a hmanna tur tinzawn sa neiin sorkar laipui chuan Mizoram sorkar hnenah loan Rs nuai 50000 a pek a\angin Lengpui Airport siam nan Rs nuai 5041 a ruahman bakah, phullem phah, hall sak, Police lal office building sakna atana a hmang hi mipui mamawh hmasa leh thil \ul hmasa a nih rih loh thu an sawi bawk.
Lengpui Airport chungchang an zir chianna a\anga an thil hmuh leh hriat te hi Chief Secretary, Ministry of Civil Aviation, National Disaster Management Authority, Govt of India; Department of Disaster Management & Rehabilitation, Govt of Mizoram, pawisa pe tu Central Finance Ministry-ah te ziakin complaint an thlen thu an sawi a ni.