Aizawl : Human resource development board vice chairman L. Thangmawia’n Masi-a Chhakchhuak Poetry hrang hrang 102 dah- khawmna ‘Rose Par Eng’ tih chu nimin khan a tlangzarh.
L Thangmawia ch- uan thangthar zingah poetry phuah thiam leh hla phuah lama tui an thahnem ta hle nia a hriat thu sawiin, “Hla chu hnam inpumkhatna atan leh inunauna tha siam theitu a ni a, helam zawnga hla tam zawk in phuah zel ka beisei a ni,” a ti.
Thu leh hla hmanga tawng tihhmasawn zel a tul thu L.Thangmawia chuan sawiin, chumi tur chuan Mizoram sorkar- in Mizo Language Development Board (MLB) din tura hma a lak mek thu a sawi a. MLB chu Mizo hnam inpumkhatna tur hmanrua leh Mizo tawng tihhmasawnna tur pawi- mawh tak a nih a beisei thu sawiin, “Mizo Poetry Society-in thang- thar hla phuahthiamte huikhawma, an tana inpuanchhuahna tur hmun an siamsak zel thei te hi a lawmawm a, MLB din tur tan pawh thil tangkai tak a la nih zel ka beisei a ni,’ a ti bawk.
He lehkhabu buatsaihtu Masi-a Chhakchhuak hi zirtirtu hna- thawk niin, Mizo Poetry Society member a ni a. ‘Rose Par Eng’ hi a lehkhabu tihchhuah hmasakber a ni. Lehkhabu tlangzarh inkhawm hi Lalremruati Ngente, Asst. Professor, Govt. Hrangbana college-in a kaihruai a; Lalmalsawmi Renthlei, Associate professor, Govt. Johnson college-in hunserh hmangin, Dr. H. Laldinmawia, Asst. Professor, Pachhunga University College-in lehkhabu thli- rlawkna hun a hmang thung a ni.