Premier League-ah palina luahtu Arsenal in an \an hmun an sawh nghet a, Aston Villa lakah 1-0 in an chak.
Villa Park-ah Gunners tan Bukayo Saka a che \ha leh a. Inkhel a goal awmchhun khungtu niin match sarih a\ang a vawi ruk nan hnehna an chang a. Arsenal hian pangana a awm Manchester United lakah point li in hma an hruai.
England international hian first half-ah penalty area hmawr a\angin goal a khung a. Villa in penalty area chhunga Arsenal ball cross luh an petchhuah mumal theih loh an tuar.
Villa hian second half-ah insiam\ha in football hlauhawm zawk an khel a, Ollie Watkins chuan goal ban tihper in substitute Danny Ings chuan a tauh goal tauh bawk.
England midfielder Saka hian tun season-ah inelna hrang hrangah goal 10 a khung tawh a. First half-ah inhliam Lucas Digne aia khel Ashley Young a chhaihbuai hneh hle.
Arsenal manager Mikel Arteta chuan, “Kan tan hnehna pawimawh tak a ni a, kan khel\ha hle in ka hria. Kan chance neih tam tak kan chhawr lova, inkhel kan dah\ha thei lo. Goal khung belh theih loh chuan a tawpah hnehna chang turin kan tlo na lantir a ngai \hin.” tiin an inkhel a thlirlet a.
An squad an chhah \ha tawk tih sawiin, “Bernd Leno tan hian inkhelh tam loh hi thil awlsam a ni lo, a chhan chu a inkhelhna hmun hrang hrangah first choice a ni ziah \hin. Mahse Aaron-a’n a thlawp \ha hle a, ani bakah Emile Smith-Rowe pawhin tunhnaiah fitness lamah buaina neuh neuh a nei a, minute 90 a khel leh thei kha a inenkawl \hat vang a ni.” tiin a fak.
Zirtawpni zana Premier League inkhelah Leeds United in player 10 a second half hun tam zawk khel Wolverhampton Wanderers chu 3-2 in an hneh a, point sarih in relegation zone an kalsan.