EDITORIAL 19/3/22


Director thar hnuaiah NIT Mizoram lar zual ngei teh se

National Institute of Technology (NIT) Mizoram chuan Director thar neiin, an director thar hian hmalakna hrang hrang neih chhoh tumin, a phur rih hle mai a, India ramah pawh NIT hi zirna tha pawl a nih avangin ngaihsak a ngai hle a ni.
Director thar hian, India hmarchhaka technology institute tha ber pawl ni tur leh India ram hmun tin atanga zirlaite pan châk ni turin a theihtawp chhuah a tum tih a sawi a, ngaihsak an hlawh tawk lohna hrang hrangah rawn tundin thar a tum a, NIT Mizoram pawh rawn vawrh kang ngei se a duhawm hle.
Kan hriat angin NIT Mizoramah hian B.Tech, M.Tech leh PhD Degree zirna kalpui mek a ni a, hengah te hian thiamna tha tak tak a awm tih kan hriat a, a ram mipui/ zirlaite ngei pawhin chak zawka kan bawh nasat leh pawh a ngai a, chutiang tur chuan Director thar pawh hian ruahmanna a neih chhoh zel a tul awm e.
NIT Mizoram chu technology institute tha ber pawl ni tura theihtawp chhuah a tum thu a sawi rual hian a lo thawh tawhna thin, IIT Madras nena thawhhona thuthlung pawh ziah fel thuai an inbeisei thu a sawi bawk a, hengte hi hlawhtling chho thei thuai se a tha hle bawk.
NIT hi zirna in tha a ni a, Mizoram mipuite hian duh angin kan pan tawk loh mai bakah kan hre lar tawk lo hle mai a, Director thar hnuaiah pan hlawh zawk leh hriat lar a nih zual theihna turin hma han la zau zual tak tak bawk teh se.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427