Aizawl: Non-Mizo Christian Centre bul lawk, Bawngkawna in pakhat, Assam type kangah mi pakhat a kang hlum.
Pathianni tlai dar 4:40 vel khan Bawngkawna Nazami in chu a kang a. In kan lai hian in neitu hi a awm loh lai a ni a. In hnuaiah hian Nazami fanu, Lalnuntluangi (33) leh a pasalte chhungkua an cheng a ni.
Kangmei chhuah chhan hi chiang taka hriat theih ni lo mah se, in hnuaia hnawmhnawk zinga mei bung paih a\anga kang kai nia rin a ni.
In a kan hnuah Lalnuntluangi leh a pasal bakah an inlengte chu an tlan chhuak a. Mahse, in chung lamah Lalnuntluangi hi tlan lut lehin, chuta \angin a lo chhuak leh tawh lo nia sawi a. Lalnuntluangi fate erawh ina an awm loh lai a ni thung.
In kang hi \henawm khawveng leh Fire dept. ten theihtawp chhuahin \helh tuma an beih hnuah, in dang kangkai hman loin \helh mih a ni.
Lalnuntluangi ruang hi nimin vek khan post mortem tura lak nghal a ni a. Vawiin chhunah vui a ni ang.