aIZAWL: BJP Mizoram Pradesh President Vanlalhmuaka chuan, kum 2023 MLA inthlanpuiah Mizoramah sorkar an siam ngei dawn tih sawiin, party mala an sorkar thei lo a nih pawhin sorkarnaah an tel tur thu a sawi.
Inrinnia |uahzawl khuaah BJP hian unit thar an din a. He huna thusawiin Vanlalhmuaka chuan, India hmarchhakah BJP in sorkarna an siam vek thu leh hmasawnna a luang lut mawlh mawlh tih sawiin, “Keini Mizoram mipui pawh hian hmasawnna tluantling kan duh tawh tak zet a, sorkar \ha mipui sorkar kan duh avangin BJP hi kan sorkar tir ngei ngei dawn a ni,” a ti.
Mizoramah BJP an sorkar chuan hmasawnna ruhrel neih theihna turin hma an lak tur thu a sawi a. “Zirna in \ha te, power-ah kan intodelh theih nante hma kan la dawn a, inkalpawhna \ha kan neih theih nan hma kan la bawk dawn a. Health Infrastructure \ha tak leh mipui rintlak nei turin hma kan la dawn a ni,” a ti a; Mizoramah sorkar tawh leh sorkar mek te’n an intiam ang ti hlawhtling loa, an intiam ang nilo apiang an ti thung \hin chu mipui min ngaihnep zia tilang tu an nih thu a sawi.
BJP State President Vanlalhmuaka hi State Secretary Lalthangmawii, Lalramengi, Mahila Treasurer, Johny Lalthanpuia, Media Incharge bakah Dampa Block President Vanlalduha te’n |uahzawl khuaah unit thar an din a ni.
He hun hi |uahzawl BJP Unit President Lalrinkima Pautu in a kaihruai a ni.