Chelsea in Premier League club paihthla thei tak Championship club Middlesbrough chu an hneh a, FA Cup semi-final an inhlangkai.
Boro hi quarter-final an luhna turin Manchester United leh Tottenham te paihchhuak tawh an ni a. Riverside Stadium a inkhelah hian Premier League club lian dang hneh leh an tumna erawh an beisei angin a kal lova, Chelsea in minute 15-naah goal an khung nghal.
English midfielder Mason Mount ball siamsak a\angin Belgian striker Romelu Lukaku chuan goal a khung a, tun season-ah goal 12 a khung tawh.
Minute 31-naah Hakim Ziyech chuan an goal hnihna a khung a, penalty area hmawr a\ang mawi takin a pet kum lut a. Lukaku goal khung belh tur Anfernee Dijksteel chuan goal line a\angin a pet chhuak hman.
Second half-ah Middlesbrough in theihtawp chhuahin Blues an nawr a, goal khung tuma insiamremin na zawkin goal an bawh.
Arsenal a\anga loan a an hawh Folarin Balogun chuan counter-attack hlauhawm tak a\angin goal a khung teuh a, Duncan Watmore pawhin goal hlauhawm \ha tak a nei.
Mahse Chelsea zawkin goal thumna an khung teuh a, substitute Timo Werner freekick pet goal ngei tur chu Middlesbrough goalkeeper Joe Lumley chuan a save hman.
FA Cup semi-final hi Wembley-ah April 16 leh 17-ah an khel ang.
Blues in tunhnaiah khelmual pawn lamah harsatna an tawk nual chungin result \ha an nei zel thova. Boro lakah hian cup inelna a ni chungin an team khauh tak an rem.
Tunhnaia sawisel hlawh striker Romelu Lukaku chu bul \antir a ni a, goal a khung bakah goal nawrah a \angkai \hin hle.
Chelsea boss Thomas Tuchel chuan an club boruak avangin an player-te chu mahni inkhawngaih a hun lo tiin a fuih a. “Ka player-te an fakawm hle. Kan dinhmun hi kan thiltih avanga thleng a ni lova, kan lo tih ve theih a awm lem lo. Chuvangin kan dinhmun hi kan hriatthiam a, kan tih theih chin ti mai tura kan pawm a ngai.” tiin a sawi.