Chief secretary-in Khawzawl tlawh – Sorkar deptt. hrang hrang hotute nen sorkar hmalakna thlirho

aIZAWL: Mizoram chief secretary Renu Sharma-i’n Inrinni khan Khawzawl tlawhin, sorkar hmalakna hrang hrangte a en a, sorkar department hotute kawmin, sorkar hnathawkte chu mipui rawngbawlna rilru pua hnathawk thin turin a fuih.
Chief secretary chuan Mizoramah tumthum a awm tawh tih sawiin, department pawimawh tak tak – Finance, GAD, Home leh DP&AR ah te a awm thin avangin Mizoram leh sorkar hnathawkte kalphung a hrechiang tih a sawi a. Khawzawl district-a sorkar hnathawkte chu Bawrhsap kaihhruaina hnuaiah thahnemngai taka an thawhtawhnaah fakin, mipui rawngbawlna rilru pua hna thawka, an hnathawhna hmunah a tha zawnga danglamna thlentu ni thin turin a chah.
Khawzawla Chief secretary hova thutkhawmah hian Khawzawl bawrhsap CC Lalchhuangkima’n Khaw- zawl district dinhmun tlangpui leh sorkar hmalakna tla- ngpuite a sawi a. Khawzawl SP PC Lalchunglura’n Police department hmalakna leh mamawh hrang hrangte sawiin, District medical superintendent cum chief medical officer Dr. Albert Lalhminghlua’n Khawzawl district-a damdawi in hrang hrang leh COVD19 din- hmunte a sawi bawk.
Khawzawla sorkar hmala- kna hrang hrangte Chief secretary hian a tlawh nghal a ni.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427