Mumang lama man phâk loh, a tak rama beisei ngam loh ni bawk Mizo rapper lar leh Mizo filmstar lar te pahnih inhel-nuaina tur hi i mit mai ni lo, i hnarin a tem chiang dawn ta e.
K&P Entertainment chuan a vawikhat na leh a hmasaber ni turin, a thleng thei ang tih pawh kan rin phak loh, Mizo entertainment khawvela mi inperhsan tak pa-hnih, an chem kalna zawn ni miah lo ve ve ah, mipa leh mipa chu in nuai miah miah mai turin thlaleh khi an tinzawn ta a ni.
Mizo rapper lar, King of Northeast ‘KONE’ leh Mizo filmstar hlawhtling Papuia Pachuau te chuan April 29, 2022 hian an hlawhtlinna huang zauh leh turin ring chhungah fiahna an hmachhawn ang.
He match hi ennawm satliah atan emaw, phur thut thil tih ni lovin, a intum turte hian hun engemaw ti chen Professional trainer hnuaiah training an lo kalpui tawh ani.
Mahni tum a chiang, mahni eizawnna lama hlawhtling ve ve ten boxing hmanga inhmachhawnna hun an nei tur hi hmaih phalh chi ani lo tawp ang le.
Boxing match hi professional bout ani anga, professional boxer ten an dan zawm thin zawng zawng leh fight round chenin anni pahnih in hnek tur ah hian hman ani ang.
Zoram chhung mai nilo, ram pawn thlenga fans tam tak nei annih avangin khawvel hmun kiltin atanga en theih tura chhawpchhuah tum ani bawk.
Mahni kalna lama hming chher thei khawpa invawrh chhuak thei an ni a, boxing ring chhungah beisei a sang dawn em tih leh tunge chak zawk ang le, tih chu inrinsiakna ngaihnawm a ni chho tawh a, thla thar tawp lamah a chiang mai ang.