Aizawl : AMC councillor Baryl Vanneihsangi’n “Politics hi eiza- wnna tur a ni lova, insen huamin kan khel zawk tur a ni” a ti.
ZPM South Tuipui block-I in Hnahthiala inkhawm an buatsaihah he thu hi Inrinni khan Baryl Vanneihsangi chu- an a sawi a. A nihna tur taka sum hman a pawimawh thu sawiin, AMC atanga fund an dawn te pawh tam lo mahse, a nih na tur taka sum an hman chuan cheng nuai-in thil tam tak a ti thei tih a sawi a. “Ruling party lam phei chuan engatinge hnath- awhna tur sum in pek ve min ti hial a ni” a ti.
Baryl Vanneihsangi chuan Horticulture a\anga thlai chi leia an sem thu sawiin, Horticulture deptt. atanga thlai chi an lei ve chu chunglam a\anga an phal ve tak loh avangin hmundang a\anga an lei a \ul tak thu a sawi.
Mizorama sorkar awm tawhah reng reng mipuiin aw an nei ve thei \hin lo tih Baryl Vanneihsangi chuan sawiin, hei vang hian kawng zawh te, total bandh huaihawt te an awm phah \hin niin a sawi a. ZPM a sorkar hunah chuan mipuite an dah lal ber dawn tih sawiin, “ZPM chuan kan policy hmasabera kan dah chu ram inrelbawlnaa Pathian ram din a ni” a ti.