Tunhnai khan China-ah tlangzarh a ni a, India a lo thlen thuai beisei ni bawk Redmi K40S hian Snapdragon 870 SoC a nei dawn a, 12GB RAM (LPDDR5) leh 256GB storage (UFS 3.1)-in a hual vel bawk ang.
Redmi K40S hi 6.6-inch E4 AMOLED a thuam niin, 120Hz refresh rate leh 360Hz touch sampling rate a awm miau vangin khawih vel a nuamin, a mam zaih dawn a ni. 4,500mAh batttery, 67W fast-charging mil thlap bawk si a nih bakah MIUI 13 ouf of the box a pai khiau a, hei hi a pui.
Hnung lamah Triple-camera setup- 48MP Sony IMX582 primary sensor (OIS) vuah a ni a, 8MP ultrawide shooter leh 2MP macro unit bakah selfie-na tur 20MP fiah fel tak dah tel a ni.
Connectivity-ah chuan Redmi K40S hian 5G, WiFi 6, Bluetooth 5.2, GPS leh thil dang tha-hnem tak a mil.
Stereo speaker leh side-mounted fingerprint reader a chhawm tel a, color chi li- Bright Black, Dim Light, Magic Mirror leh Silver Tracer te duhthlan theih a ni.