aIZAWL: AMC-a eptu leader, ZPM thalai president ni bawk Malsawmzuala Ralte-in AMC budget an pass tak Rs. nuai 6500.69 chu tam lo mahse, AMC-in leiba a neih loh bakah loan puk a neih loh bawk avangin dik leh tha taka hman a nih chuan danglamna leh hmasawnna thlen thei a nih thu a sawi.
ZPM party chhung inkhawmah he thu hi nimin khan Malsawm- zuala Ralte chuan a sawi a. Ni hnih awh AMC board of councillors (BOC) thutkhawma zawhna 12 lut zinga 10 chu ZPM atanga thla- ntlin councillor te zawhna a nih thu leh motion lut 8 te pawh ZPM atanga thlantlin councillor te putluh vek a nih thu Malsawmzuala chuan sawiin, BOC thutkhawm chu ZPM atanga thlan tlin councillor te chuan live telecast ni ve tawh se an duh thu a sawi bawk.
AMC Ward III bial- tu councillor, AMC-a eptu Dy. leader ni bawk C. Lalchhandami pawhin thu sawiin, BOC thutkhawmah Ai- zawl khawpuiin hma a sawn theihna turin ZPM councillor ten theihtawp an chhuah thu a sawi a. Tunhnaia Ward III chhunga LC chairman 5 (MNF party vek) ten thuchhuah siama amah an beihna chungchang pawh sa- wiin, property tax te mimal hamthatna leh politics khelhna bakah a duh dan chauhva hmang anga puhna chu thu diklo leh thubelhchiandawllo a nih thu a sawi a, “Keima ha- mthatna turin engmah thil tih ka nei lova, Ward committee-in a hmanna tura a rel anga dik tak leh fel taka hman vek a ni,” C Lal- chhandami chuan a ti.