Nikum lamah an team boruak a \ha lova, an club chhung a buai. Tunah an player chhuanvawr \hin Xavi Hernandez-a hnuaiah kawng dik lam an pan a, an kawng zawh a dik tih chiang taka lantir turin an hmelma Real Madrid an sawp.
Tunhnai El Clasico-ah a zawna vawi nga tlawm tawhin Santiago Bernabeu-ah Real lakah hnehna an chang a, 4-0 in an chak.
Barcelona tan striker thar Pierre-Emerick Aubameyang chuan 29-na leh 51-naah goal a khung a. Hemi inkarah hian Ronald Araújo leh Ferran Torres ten goal an khung.
Gabon striker hian Barcelona a zawm hnuah match 11 a\angin goal 9 a khung tawh a. Xavi-a hnuaia ani ang bawka par vul chu French winger Ousmane Dembele niin Xavi-a hnuaiah midang goal khung tur vawi 9 a siamsak tawh.
Real Madrid in inhliam avanga an chhawr theih loh striker Karim Benzema leh full-back Ferland Mendy te awm loh an tuar a. Mendy thlaktu Nacho chu Dembele-a’n a rep hneh hle a. Tlarhmaah Benzema tel lovin goal nawr dan tur Blancos in an hre lo.
Inkhel zawhah Barcelona manager Xavi chuan, “Tunhnaia Clasico hnuhnung engemaw zah kan tlawm tawh avanga boruak \ha lo awm chu kan thlak danglam a. Khawvela team \ha berte kan elpha a ni tih kan lantir.”
“Kan champion thei ang em tih hi kan hre lo, engmah kan sawi bo dawn lo. Mahse tunah chuan kan che \ha tlai deuh a, chutihrualin he hnehna hi kan tan a pawimawh hle.” tiin an hmabak a thlir.