Inkahhai puan hnuah boruak a muanawm zel

February, 2021-a India leh Pakistan-in inkahhai an puan hnuah Line of Control (LoC) boruak chu a ziaawm zel tih Directorate General of Military Operations (DGMOs) chuan a sawi tih defence ministry chuan Thawh\anni khan Parliament-ah a sawi.
Rorelna in sang zawka Minister of State (MoS) for Defence Ajay Bhatt-a’n ziaka zawhna a chhanah sipaite hi an inkap lo va, LoC-ah muanna boruak a awm tih a sawi.
“Hetih rual hian boruak hi ngun taka thlithlai reng a ni a, Indian Army pawh eng emaw thil thleng thei lakah an inring reng a, LoC-a thil thleng a awm veleha che turin an inpeih,” a ti.
Bhatt hian Western Borders (IB Sector) pawh a tlangpui thuin a muanawm tih a sawi a. Hetih rual hian ramri piah lam a\anga ruihhlo tawlhrukna chuan thil tihbuai an tum a, a bikin ramri hnaih an tum zial tih a sawi.
“Khawthlang lama kan sipaite hian chona chi hrang hrang leh buaina awm apiang hmet mit turin theihtawp an chhuah reng a ni,” a ti.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427