Hyderabad FC chuan an club chanchin a vawikhatna atan Hero Indian Super League trophy an chawi a. Final-ah 3-1 in penalty shootout-ah Kerala Blasters FC an hneh.
Pathianni zanah Margao a PJN stadium-ah final hi an khel a. Hun pangngaiah 1-1 a an inhnehtawk hnuah penalty hmanga chak zawk zawn a ni a. Hyderabad an hlawhtlin laiin a vawi thumna atan Kerala Blasters an tling zo lo.
Minute 120 chhung inkhelah team pahnihte an inbei tawk a, an inkhel a hmuhnawm.
Rahul KP hmanga Blasters in hma an hruai hnuah minute 88-naah substitute Sahil Tavora chuan Hyderabad si phurh a sut.
Penalty petin tun season a rintlak tak goalkeeper Laxmikant Kattimani chu Hyderabad FC chakpuitu a ni a. Marko Leskovic, Nishu Kumar leh Jeakson Singh te penalty pet a dansak a. Hero of the match-ah phu taka thlan a ni.
Blasters tan hian Mizo midfielder Lal\hathanga chuan bul a \an a, extra-time ah lakchhuah a ni.
Hyderabad FC head coach Manuel Marquez chuan, “Halftime laiin khawng zawka kan din theihna turin kan tawm khawm deuh a \ul tih kan inhrilh a, first half-ah hian kan defence leh midfield inkarah awl a tam lutuk \hin. Second half-ah inkhel kan thunun zawk phah a, tunhnaia kan boruak leh kan dinhmun kan hre vek a, huaisenna lian tak nen kan inkhel in ka hria.” tiin inkhel zawhah a sawi.
Hero ISL 2021-22 Awards:
Hero of the League : Greg Stewart (Jamshedpur FC)
Golden Glove : Prabhsukhan Gill (Kerala Blasters FC)
Golden Boot : Bartholomew Ogbeche (Hyderabad FC)
Emerging player of the season : Naorem Roshan Singh
(Bengaluru FC)