Aizawl: Zirchianna a\angin India rama zuk leh hmuam ti nasa berte zingah Mizoram chu telin, kum 13-15 inkarte zingah India rama vaihhlo leh a kaihhnawih ti nasa ber niin, kum 15 chung lamah Mizoram chu pahnihna a ni.
National Health Mission Mizoram hnuaia National Tobacco Control Programme (NTCP) leh MJA Gen. Hqrs. \angdun chuan nimin khan Aizawl Press Club-ah MJA Golden Jubilee pualin member-te tan ‘Workshop cum consultative meeting on Global Youth Tobacco Survey-4 (GYTS-4) & Tobacco Free Educational Institutions’ neih a ni.
He huna NTCP hnuaia State Tabacco Control Cell-a state consultant R Lalremruata sawi danin, Mizoram dinhmun zirchianna GYTS-4-ah kum 13-15 inkarah sikul hrang hrang 21-a zirlai 1404 a\angin zirchianna neih a ni a. An zirchianna a\angin kum 2019-a GYTS-4 a\anga a lan danin Mizoramah kum 13-15 zinga zaa 58 in zuk leh hmuam an ti a, India ramah a sang ber a. Zuk leh hmuam ti kum 13-15 zingah zaa 52 chuan survey neih hma thla 12 chhung khan nghei an lo tum a. Mizorama zuk leh hmuak ti kum 13-15 zingah zaa 64 chu mipa an ni a, zaa 53 chu hmeichhia an nih thu a tar lang.
Tripura chu kum 15 chung lamte dinhmun zirchianna GATS-ah zuk leh hmuam ti nasa ber an ni a, Mizoram chu pahnihna niin, zaa 58.7 te’n zuk leh hmuam an ti a. GYTS-ah zaa 58 in zuk leh hmuam an ti thung.
Kum 2003-ah India ramah kum 13-15 zingah zaa 16.9 te’n zuk leh hmuam an ti a, kum 2006-ah zaa 13.7, kum 2009-ah zaa 8.5 ah an tlak thu tar lan a ni bawk.
Zirlai kum 13-15 inkar vaihlo a\anga siam tihching zingah nghei tum mek zirlai zaa 52 an awm a, zirlai meizuk ching zaa 53 chuan nghei an tum mek a, zaa 59 chuan a hmuam chi nghei an tum a, zaa 50 chuan a ngawl an lo vei tawh an sim a ni.
Zirna sikul hrang hrang 21 a headmaster zaa 95 te chuan COTPA, 2003 dan an hriat thu tar lan niin, he’ng zingah hian thingtlang lama sikul zirtirtuten an hriat vek laiin khawpui chhunga headmaster zaa 92 te chuan COTPA dan hi an hre thung.
He hunah hian National Health Mission project director Dr Eric Zomawia chuan, zuk leh hmuam ti hi ram changkangah an tlem telh telh tih sawiin, zuk leh hmuam ti zaa 80 chuang chu ram changkang lo a mi te an nih thu a sawi.
Dr Eric Zomawia chuan, khawvelah kum khatah vaihlo leh a kaihhnawih vangin mihring maktaduai 8 vel thi \hinin, he’ng zinga maktaduai pasarih vel chu zuk leh hmuam ti an nih thu a sawi a. Mi dang maktaduai khat chuang hret te chu zuk leh hmuam ti lo, an bula mite tih avanga thi an nih thu a sawi.
“Zuk leh hmuam ti hi ram changkangah an tlem telh telh a. Zuk leh hmuam ti-ah zaa 80 chuang chu ram changkang lo a mi te an ni,” a ti a. Mizoram chu vaihlo leh a kaihhnawih laka natna vei theih hrang hrangah India ram pumpuiah pakhatna a nih thu a sawi bawk.
National Health Mission project director chuan, zuk leh hmuam do a \ul thu a sawi a. Tun hma chuan natna inkaichhawn theih vangin mi an thih \hin a, tunah chuan Mizorama thihna thlentu zaa 70 chu natna inkaichhawn theih chi ni lo a nih thu a sawi.
Thusawitu dang MJA President Zonunsanga Khiangte chuan, zuk leh hmuam laka MJA member zingah fihlim an tam thu a sawi a. Mei zu mi MJA member-ah zaa 10 an tlin a rin loh thu sawiin, Aizawl Press Club chu meizial zuk phal lohna hmun a nih avangin MJA te’n mei an zuk ngai loh thu leh, inlengte pawhin an zuk ngai loh thu a sawi a. MJA-ah meizial zuk ching thar an awm lo nia an hriat thu te a sawi bawk.
Dr. H. Lallianthangpuia, State Nodal Officer, NTCP pawhin vaihlo leh a kaihnawih ngawl vei lamah a \ha zawngin hma kan sawn zel thu sawiin, Mizoram khaw hrang hrangah Tobacco Free Zone puan theih tur an neih mek thu a sawi a ni.