Mizoram BJP tha lo tih central BJP-in tha ti : Robert Romawia

Aizawl: MNF party adviser, minister of state ni bawk, Robert Romawia Royte-in Mizoram BJP hotuten Mizoram chu president’s rule-a dah tumin hma la mah se, Mizoram BJP-in \ha an tih loh chu central BJP-in \ha an ti niin a sawi.
Nimina MNF party chhung inkhawmah Robert Romawia chuan, “Rajya Sabha chairman Mizoram tlawha assembly house-a thusawi pawhin Zoramthanga kaihhruai sorkar hmalakna leh hnathawh \ha a tih thu a sawi a, SEDP pawh \ha a tih thu a sawi,” tiin, “Zoramthanga rintlakzia hriain Pu Modi-a sorkar chuan PMDevine-ah Rs. vbc 600 min pe hial a nih hi,” a ti bawk.
Robert Romawia chuan, “District council, UT leh state kan nih hnua la thleng ngai miah lo, kum 2022 April 1 a\ang hian Rs. vbc 1,100 dawngin infrastructure atan chauha hman turin sorkar kum bul kan \an dawn a, heng sumte hi kan CM finna leh hmelhriat neih \hat zarah budget pawn lam a\anga sorkar laipui a\anga kan dawn tur liau liau a ni,” a ti a. “PMDevine Rs. vbc 600 bakah kum kaltaa kan thawh \hat avangin central assistance Rs. vbc 100 min pek belh a, hei bakah central assistance to states Rs. vbc 400 min pe dawn bawk a, a vaia sorkar kum bul kan \anpui tur hi Rs. vbc 1,100 a ni,” a ti.
CM Zoramthanga chu central pawhin an duhsak hle nia sawiin, union budget document-a PMDevine kaltlanga Rs.vbc 600 Mizoram tana pek a nih thu lang chuan central-in Zoramthanga an duhsak tih a tilang niin a sawi a. MNF sorkarah leiba a pung lo nia sawiin, hei hi RBI document tar lanah a chiang niin a sawi.
Robert Romawia chuan SEDP-ah chhungkaw 60,000 tuam a nih tur thu sawiin, assembly bial tinah chhungkaw 1,500 thlan hmasak an ni dawn tih a sawi a. First instalment-ah Rs. 50,000 pek tum a nih thu sawiin, sorkar a\anga sum pek chhuah reng reng installment zel a nih thu leh Rs. nuai 3 pek chu an dinnghehna a la nih reng thu a sawi bawk.
Thudik chanve hmangin social media leh Assembly session-ah opposition hotuten mipui bum tumin thu an sawi thin nia sawiin a dem thu Robert Romawia chuan a sawi a. “Opposition leader pakhat phei chuan session neih zawh takah khan dawt dawrzawn khat chuang ngawt a sawi a, an dawt sawi an mualphopui,” a ti bawk a ni.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427