Russian President Vladimir Putin chu tunhnaia Moscow khawpuia rally neiha jacket manto tak a hak vangin social media-ah an chuk rawn nasa hle.
Ukraine a runnaa thiamthu a sawina ah hian mi sang tam tak pungkhawmin, Putin thlawpna tihlan an ih rualin, $14,000 man zet jacket ha a, indo a sawi mawi chungchangah Twitter lamah an umzui chiam mai.
Dum pawl rawng jacket hi Loro Piana brand lar tak, khawvel pawhin a hriatlar italian band lar niin, thil manto tak tak bak an siamchhuak lem lo.
Sweater chunga hak thuah jacket nena a intheh thil rual hian Ukraine run vanga Russia-in kawng tinrenga harsatna a tawh dan hre lo ang hrima a hawi ‘champ’ vel chu ei lo an tam a, khawvelin a kawmserh vanga Russian mipuite’n nitin khawsak phunga an rum mek laia an hotupa berin thawmhnaw manto tak nena a inlan thei reng chcu pawm harsa an ti hle.
Tweet pakhat chuan, “Dawr-a ei tur lei nana Russian mipuite’n thapui tak meuh an thawh laia , Putin-an mipui singkua hmaa Lor Piana a la ha thei chu a mak a nâ a ni,” a ti.
Russia hian ni 3-4 vel chhung leka Ukraine lak fel hman ring mah se, a tak ramah erawh tawh an lo khirh phian mai a, an tum leh beisei angin thil a thleng lo chiang hle a ni.