Krishi Vigyan Kendra (KVK) Lengpuiin Chinese Carp (sangha) chi siam chhuahna, hatchery an buatsaih chu nimin khan Agriculture minister C Lalrinsanga’n a hawng a, district thar pathumah KVK din belh tum a nih thu a sawi.
C Lalrinsanga chuan, district thar hawnah pawh KVK pathum din belh turin sorkar chuan hma a la mek tih sawiin, “Scientific approach hmanga lo neimite chawikan chu an sorkarin a tum ber a ni,” a ti.
KVK Lengpuia thawktute chu sangha chi siam chhuah kawngah theih tawp chhuah tur leh, sik leh sa tichhe lova hmasawnna kalpui zel turin a chah.
He huna an tar lan danin, Chinese Carp Hatchery-ah hian vawi khatah sangha tui nuai 20 vel a keutir theih dawn a. Nursery pool awm lehin, sangha 40 – 50 dah lenna hmun siam a ni a. Sangha tui tirna hmun hi tui tivir a, ruahsur lem siam theihna tur a ni a, vawi khatah sangha tui nuai 40 dawn theihna tura duan a ni bawk.
He hatchery-ah hian Indian major carp leh exotic major carb sangha note tuitir a, keutir tum a ni.