Kum 2022 Formula 1 season a intlansiak hmasa berah Formula 1 a team lian, hming langsar ber leh team hlawhtling ber Ferrari in thawm ring tak nen hnehna an chang a. An driver Charles Leclerc chuan pakhatna hauhin an driver dang Carlos Sainz chuan pahnihna a hauh.
Italian team hian kum 2020 khan engine chak lo tak an neih avangin nasa takin an tlahniam a, season hmasa khan hma sawn mahse a \ha ber pathumna bak an ni thei lova. Tun season a technical rules thar hman tur hi thlirlawkin chungin hna an thawk a, a rah an seng nghal.
Ferrari an kir, Red Bull an vanduai
Sakhir a Bahrain International Circuit a intlansiakah free practice leh qualiftying a\angin Red Bull leh Ferrari an tlan chak a. Red Bull hi pre-season test hnuhnung zawkah an car a tlanchak avangin rinkai an ni.
Qualifying-ah erawh Leclerc-a’n pakhatna a hauh a, a hmasa ber a\angin bul a \an. World champion Max Verstappen-a’n a tir a\angin a um a, a pel hleithei \hin lo.
Red Bull in ‘undercut’ an tum a, car ke thlak hmasa zawka \an a, Leclerc chu a car ke thlak ve hunah lo pelh hman dan an zawng. Lap 14-naah a ke thlakin Leclerc-a’n 15-naah a thlak a, intlansiak hmuhnawm an lantir.
Verstappen hian lap 17, 18 leh 19-ah kual hmasa berah Ferrari hi a pel a, mahse Leclerc-a’n kual 4-naah a pel letleh zel a. Lap 19-ah Verstappen-a’n pelh a tum luatah a ti lutuk a, a brake nat avangin a ke in ‘lock up’ in Leclerc-a’n an inkar a tih zauh theih phah.
Red Bull vanduai zanah Verstappen leh a teammate Sergio Perez te chu intlansiak tawp dawnah car chiang lo avangin intlansiak tawp an thleng thei lo zui bawk.