Tottenham Hotspur in season thar a Europe inelna lian khelhphak ngei tumin an dinhmun an siam a, West Ham United lakah 3-1 a hnehna changin Premier League-ah panganaah an inhlangkai.
Tottenham Hotspur Stadium a inkhelah Spurs tan an tlarhma a star pahnih Son Heung-min leh Harry Kane te bawk danglamna siamtu an ni a, an goal thum khungah an inrawlh kim vek.
Minute 9-naah Kane-a cross chu Son-a laka ven a tumna lamah West Ham defender Kurt Zouma chuan an lamah a ti lut a. Minute 24-na leh 88-naah Son-a’n Kane-a siamsak a khung ve ve a. An pahnih hian Premier League goal 39 an insiamsak tawn tawh a. Premier League a forward inkawp hlauhawm ber ni tura an record siamlai an tihsan belh zel.
Son-a’n hattrick a siam teuh a, goal ban a tih per bawk laiin first half-ah Hammers tan Said Benrahma chuan goal khat a khung ve bawk.
Tottenham boss Antonio Conte chuan, “Palina nih hi kan tum a ni a, club ka zawm hma hma in beiseiawm ni lo mahse thla nga a liam leh chuan thil a kal dik chho \an. A awlsam lova, mahse hma kan sawn zel a, a tawp thleng he inumnaah hian tel kan tum.” a ti a.
“England-ah team \ha pali an awmin ka ngai a – Manchester City, Manchester United, Chelsea leh Liverpool te an ni. Heng zinga pakhat hi an hlawhtling lo a nih chuan tun dinhmunah Arsenal, Tottenham leh West Ham te hian remchang la thei tura hmalam kan pan zel a \ul in ka hria.” tiin a sawi bawk.
Pathianni zan inkhel dangah Timothy Castagne leh James Maddison te goal khung hmangin Leicester City in Brentford 2-1 in an hneh a, table chanve chung lamah an chho.