Samajwadi Party chief Akhilesh Yadav chuan tun hnai inthlana Uttar Pradesh MLA atana thlan tlin a nih hnuah MP nihna a kalsan ta.
Akhilesh-a hian an state politics-a thuk zawka inhmana kum 2024-a ram pum inthlana an state a\anga vote tam zawk a hmuh theihna tur atan he thutlukna hi a siam a ni.
SP hruaitu dang, Azam Khan pawhin MP a nihna a bânsan ve bawk.
Hruaitu pahnih an bân avang hian parliament-a SP member awm chu pathumah a tlahniam ta a. Akhilesh-a chuan insawhngheha BJP leh Yogi Adityanath-a khingtu lian ber nih a tum tih a sawi.
Akhilesh-a hi Uttar Pradesh khawchhak lam, Azamgarh a\angin MP atana thlan tlin a ni a. March-April thlaa assembly inthlan kha a vawi khat nan chuhin an chhungkaw lenna, Karhal, Mainpuri district-ah a tling a ni.
Chief minister hlui hi assembly-ah opposition leader a ni dawn a, kum 2027 inthlanah India-a state pawimawh berah hian tlin ngei tumin a bei dawn a ni.
Akhilesh-a kaihhruai party hi tun inthlanah pawh khan BJP khingpui lian ber a ni a; mahse, bial 403 awmnaah bioal 111 changin pahnihna an ni a. BJP hian bial 255 changin an thawhpuite nen vek bial 273 an chang.
Sorkarna siam zo lo mah se SP hian kum 2017-a MLA 47 chauh an neih a\angin hma an sawn hle a, vote tla zinga 32.06% an chang bawk.
Deputy Chief Minister Keshav Maurya pawh SP-in an thawhpui candidate-in Prayagraj bul lawka Sirathu bialah a hneh a, Akhilesh-a tan chuan a lawmawm hle a ni.
SP chief-in MLA nih a duh zawk chhan lian tak dang chu Mayawati-i kaihhruai, inthlana bial khat chauh chang, Bahujan Samaj Party (BSP) nek tet lehzuala anmahni intihlen a tum a ni.