Chelsea lei tum zingah Centricus

London a inkhuar investment firm lian Centricus chu Premier League club Chelsea lei tum zingah an tel thar a. Anni hian Chelsea hi an lei a nih chuan tuna club inrelbawl dan leh team inenkawl dan tidanglam miah lova kalpui an tum.
Chelsea hi a neitupa Russian mi hausa Roman Abramovich chuan hralh a tum hnuah lei tum an lang nasa hle a. Mi hausa intelkhawm lei tum pali langsar zual an awm.
Lei tum zinga thar ber Centricus Asset Management hian an hnuaiah Pound tluklehdingawn 29 man hu vel hlutna an nei a. An mi leh sa zingah hian Chelsea season ticket nei an awm nual.
Chelsea lei tumna hi co-founder Nizar Al-Bassam leh chief executive Garth Ritchie ten an kalpui a. Cheyne Capital leh Talis Capital a\ang hedge fund manager Jonathan Lourie leh Bob Finch te pawh intelkhawmah hian an tel.
Centricus chuan thuchhuah siamin, “Chelsea hian hlawhtlinna a neih chhunzawm zel theihna turin a inenkawlna a mi pawimawhte kan thlawp chhunzawm zel ang.” an ti a.
“Club lei kan tumnaah hian neitu nih inhlanchhawnna turin sum kan seng dawn a. CFC Group in nitin a hna thawk tura a mamawh sum kan dah dawn bawk a, khawvel huapa brand lian tak a nih chhunzawm theihna turin sum a awm bawk ang.”
“Grassroot leh khawtang a football hmanga hmalakna pawh kan ngai pawimawh dawn a, Chelsea Academy, women’s team, youth development programme leh Chelsea Foundation te bakah Chelsea hminga hmunhma \ha neih zel kan tum.” tiin an tum chiang takin an sawi.

Tunge lei tum dang?
Chelsea lei tum dang zingah Britain a\anga intelkhawm pahnih langsar tak an awm a, pakhat chu Sir Martin Broughton leh Lord Coe te niin pakhat dang leh chu British property investor Nick Candy hmalakna a ni thung.
Anni pahnih bakah hian United States lam a\angin lei tum an awm bawk a. Chicago Cubs neitu Ricketts chhungkua in lei an tum a. Los Angeles Dodgers leh LA Lakers part-owner Todd Boehly leh Swiss billionaire Hansjorg Wyss te \ang dun pawhin lei an tum bawk.
Chelsea hralhna buaipui tur American investment firm Raine Group hnenah hian Saudi Media Group pawhin lei an tumna an thehlut niin an sawi bawk.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427