Mahuma Memorial 1st Division Screening Tournament final khel turin Chhinga Veng Cricket Club an tling a. Zarkawt Lords CC lakah run 33 a chakin an dinhmun a chiang.
First Division league round-ah hian vawiinah match hnuhnung berah Kulikawn CC leh Ramhlun Venglai CC an inkhel dawn a, anni pahnih zinga hnehna changin league-ah hma an hruai anga, final an khel ang.
3C in net run rate an neih \hat an vanneihpui thung a. An tan Zarkawt nena an inkhel a pawimawh hle.
Vuak hmasak thlangin Lalruatdika (41) leh Jonathan Lalbiakkima (36) te bakah tawnhriat nei \ha Lalthlamuana’n ball 16 a\anga run 24 siam a bul a \an an chhawr a, run 191 an siam.
Zarkawt Lords tan Tleipuia (39) leh veteran S. Zorinliana (41) te che \ha mahse 3C bowler ten run 158 bak an siam tir lo.
Durtlang lama Khaled Memorial 2nd Division inkhelah Armed Veng CC in run 66 in Venghnuai Raiders CC an hneh ve thung.