LeBron James-a’n a lalna ram ni \hinah hnehna changin a kir leh a. A team hlui Cleveland Cavaliers hmachhawnin 131-120 in Los Angeles Lakers an chak.
NBA Most Valuable Player vawi li ni tawh James hian a team hlui lakah point 38 a score a, rebound 11 leh assist 12 neiin triple-double a nei.
Kum 2016 a Cavaliers NBA champion nihpuitu James hian kum 2018 khan Lakers a pan a, Los Angeles team hi NBA champion nih pui mahse tun season-ah an team in inhliam leh thildang avangin result \ha an nei thei lo fova. Tunhnaia game ruk chhungin Thawhlehni zinga an hnehna chan hi vawi hnih an chakna chauh a ni.
James chuan, “Chak kan mamawh a, kan khelhdan anga \ha a khelh pawh kha kan mamawh a ni. Thildang erawh ka rilruah a awm lova, ka seilenna khua an nih lam ka ngaihtuah lo. Chak bak ka ngai pawimawh lo.” tiin an season harsa hman mek avangin chak an mamawh thu a sawi.
Lakers tan hian Russell Westbrook leh DJ Augustin te chuan point 20 ve ve an score.
Thawhlehni zing inkhel dangah Brooklyn Nets in 114-106 in Utah Jazz an hneh a. Kevin Durant chuan point 37 Nets tan a score ve bawk.