Zonet Original Series 0389 buatsaihtute, Believing Is Seeing Project leh K&P Entertainment tangkawp chuan short film thar “Eléison Za-hngai Rawh!” an tichhuak leh ta.
Tunlai khawvelin a buaipui em em mahni anpui kawpna (LGBTQ) leh sakhuana inkungkaihna thua hmeichhe pahnihin an hmachhawn leh an rinna fiaha a awm chanchin a ni a, thupui ngaihmawhawm tak a ni.
Engnge a sawi?
Film director Raymond Colney chuan, “Brandon Teena inspired film a ni a, mahni nun lak duh hial khawpa beidawnna tawpkhawk Rini leh Zoi ten an tawn dan leh sakhuana leh rinna in a hawisan tawh hnua Rini chuan a hnuk a chah hmaa chhandamna a zawn dan chanchin a ni a, entuten thutlukna an siam tur atana tawp khar a ni,” a ti.
Thawnthu hrang hrang panga, a taka thleng lakkhawm a awmze nei tura siam pum a ni a, 2016 kuma Raymond Colney leh Siddhartha Dutta te ziah dun a ni a, duhthusam a a chhuah theih thin loh avangin tun hi vawi hnih an shoot that na a ni nghe nghe.
Maruata Rawite (0389 & Hneh-tu) a chang tawh tihloh chu hmel thar vek an rawn inlan ang.
Khawiah maw…
Eléison Zahngai Rawh! short film hi March 19 – 25, dar 2 atanga 7 PM chhuah a ni dawn a, 5.1 Surround Sound a mix niin, ticket hi Rs.100 a ni a, a hmunah leitur a awm nghal. March 25 zan atangin Lersia Play-ah a en theih ang.