BTS Jimin hi US-a solo hla pathum atanga unit 500,000 chuang hrah thei South Korean soloist hmasa ber a ni ta.
Park Jimin hian 2022 kum tharah record thar lian tham a siam chu a ni a, BTS zaipu leh lampu ber ni bawkin US-a heti anga record ropui a nei thei hi sawi nep theih a ni reng reng lo.
A hla hmasa ber, ‘Lie’ hi February khan tihchhuah a ni a, ‘Serendipity’ in a zui lehnghal a, March 20 ah ‘Filter’ tichhuak leh in, thla hnih chhung le hian US-ah unit 500,000 a hrlah ham ham thei a ni.
BTS hi group/band angin an chetha em em a ni ngawt lova, mimal ang paw’n record thar an siam chho zut zut mek.
An hlasak (cover chenin) ngaihven a hlawhin, thlir zui nasat a ni thin a, khawthlang ramah lehzel namen lova an lar hluai thei hi vanneih vanga puh ngawt theih a ni lo. An thiam leh theihna te hi sawi nep emaw enliam thlengin thil harsa lutuk tak a ni ta reng mai.