New Delhi chu khawpui lian zingah a zawna kum li nan khawvela boruak a bawlhhlawh berna a ni leh ta.
Swiss organisation IQAir-in Thawhlehnia World Air Quality Report 2021 a tihchhuahah India khawpui ber hi Dhaka, N’Djamena, Dushanbe leh Muscat ten an dawt.
Khawvela khawpui boruak bawlhhlawh ber ber 50 zinga 35 zet chu India rama mi a ni.
Zirchiannaah hian China-a khawpui liante dinhmun chu a \ha zawngin a kal tih tar lan a ni a. An khawpui zahve aia tam chu nikuma report siam aiin an boruak a thianghlim tawh zawk.
Khawpui ber, Beijing pawhin kum nga chhung a zawnin boruak thianghlim lam a pan zel a. Hei hi boruak tibawlhhlawh thei tihchhuah thunun te, coal power plant tihchet tlem leh industry lianten boruak chhia an tihchhuah tlem tak zel vang a ni tih tar lan a ni.
India-ah hian eng khawpui mahin World Health Organization (WHO)-in a him chin a tih, air quality standard-a 5 micrograms per cubic meter an phak lo vek tih IQAir report-ah hian tar lan a ni.
Report hi kum 2021 chhunga ram 117-a khawpui 6,475-te PM2.5 air quality data hmanga teha siam a ni.
September thla khan inkaihhruaina thar siamin kum khat chhunga PM2.5 tihchhuah chu 10 µg/m3 a\anga 5 µg/m3 ni tura tih a ni a. PM2.5 an tih mai hi boruak bawlhhlawha mihring tana hlauhawm – thawhah stroke, lung leh chuap natna thlen thei niin kum tin mi maktaduai chuangin an thih phah \hin.
“India hi khawpui boruak bawlhhlawh zual 50 zinga 35 kawltu a ni leh a. Kum khat chhungin PM2.5 level hi 58.1 µg/m3 zet a la ni a, kum thum chhung a \ha zawnga a kal chu a tawp leh ta a ni,” tiin report-ah hian tar lan a ni.