Manchester United chuan an tlarhma thuam \hat an tum a, Everton forward Richarlison chu lakluh theih dan an ngaihven uluk hle.
Ralf Rangnick-a pawlte hian tun season-ah inkhel pawimawhah goal khung an harsat \hin a, kum 37 mi Cristiano Ronaldo chu goal khung tura an rin ber niin ani zarah an mualpho lo leh \hin.
Hei vang hian Brazil international hi an tan mi \angkai tak a nih theih an beisei a. Tlak thlak loh tum a bei mek Everton an hlawhtling lo a nih chuan an mi duh hi chan theih an inbeisei.
Chiang zawkin
Old Trafford-ah a zawna season nga na atan trophy an chawi dawn lova. Tun season-ah Ole Gunnar Solskjaer an ban hnuah tunhnaia an lo tih tawh angin team induan \hat an tum a, tlarhmaah player naupang zawk an duh.
Ronaldo kum a tam tawh avangin rinrawl a neih rei theih a ni tawh lova, Uruguay striker Edinson Cavani chu chhuak tura ngaih a nih bawk avangin Richarlison-a tan hmun a awm dawn niin an ngai.
Hetihlai hian Everton hi Championship-ah tla thla mahse a man erawh la sang hle tura ngaih a ni tho.
Kum 2018 a Watford a\anga Everton zawmtu Richarlison hian Toffees tan game 142 khel tawhin goal 47 a khung tawh a, assist vawi 12 a nei tawh.
Spain lamah Real Madrid leh Barcelona nen sawizawm a ni bawk.