Jamshedpur FC head coach Owen Coyle chuan ama mimal thil avangin a chhuah tur thu Thawhlehni khan a sawi.
Kum 55 mi Scottish coach hnuaiah hian Jamshedpur FC hi season hnih an khel hman a, tun season-ah League Shield a lakpui a, semi-final erawh an pel zo lo.
Coyle chuan, “Hreh tak chungin kan zinkawng zawh dun hi kan tihtawp a ngai a, chhungkaw thil avangin ka haw a ngai.”
“Hetihlai hian India-ah hian lo kir leh hun ka nei a nih chuan Jamshedpur hi ka letlehna hmasa ber tur a ni tiin inremna kan nei a, min mamawh a nih chuan an hnenah hna ka thawh chhunzawm ang. He club nen hian inzawmna thuk tak kan nei a, helaiah chuan ka tan inpui an ni.” tiin a sawi.
Coyle hian Jamshedpur hi 2020-21 season khan parukna a nihpui a, hemi \um hian point li chiahin top four an pha lo.
Anni a enkawl hma hian Chennaiyin FC a enkawl \hin a, Super Machans hi table mawngphah a\angin ISL final a hruai thleng tawh.
Coyle hi English football-ah a mikhual lo hle a. A inkhelh chhungin England Scotland ah te a khel ber a. Premier League-ah Burnley leh Bolton Wanderers te a enkawl tawh bawk.
Scottish club Queen’s Park enkawl leh tura ngaih a ni.