Nikum khan rimawi khawvel chuan kum 20 liamta chhunga sum a hmuh nasat ber a tawng a; artist lar- BTS, Taylor Swift leh Adele te’n an thawhhlawk.
Nikum khan music hralh-chhuahna atangin $Billion 25.9 a lut a, 1990s hnu lama kumkhata sum luh nasda ber tum a ni. Heti taka hmasawnna vung chho chhan berah chuan streaming hi a ni, a tih toh theih loh. Man chawia pawttu maktaduai 523 an awm deuh reng a, 2020 khan maktaduai 443 niin, a pung deuh deuh.
Sum hmuhchhuah zawng zawnga zaa 65% hi streaming atanga lo lut liau liau a ni a; CDs, vinyl leh cassette te hian 19% an thawh ve bawk a, download atangin 4% a lut ve bawk.
A bak dang 11% hi ro-yalty payments leh licensing atangin a ni deuh ber a; hetah hian music, films, TV shows leh adver a tel.
Hetih lai hian, hripui leng nasa taka khan chhiatna tam tak a thlen rualin, malsawmna te pawh a keng tel a tih loh theih lo. Mi tam tak In lama an tawm in a ngai a, hei hian social media thuk zawka luhchilhna thlengin, streaming lamah kan awn nghal deuh vek a, music ngaihthlak leh movie en a tipung hle a, streaming neitute ta’n sum a haw nasa hle a ni.