Gladiators Cricket Club chuan Ningani khan hnehna an chang a, season thar a 1st Division inelna a tel turin an tling chiang.
Durtlang Playground a Khaled Memorial 2nd Division inkhelah Gladiators in run 7 in hnehna an chang a. Pacers CC nena an inkhelah an intluk tawk hle.
Ramthar Veng club tan hian B. Lalchhuanawma chuan ball 75 a\ang run 96 a siam a, run 68 siamtu captain Laldawngkima Renthlei nen run 110 lai wicket 6-naah partnership an nei a, run 26 siam Zoremsanga nen a tawp khar \ha in Gladiators in run 256 an siam theih phah.
Serchhip a CK Frolics Cup a han champion Pacers tan Lalhriatpuia (80) leh Lalhlimpuia (51) te che \ha in Jimmy Remsangluara’n a tawp lamah \an khawh viau bawk mahse run 249 an siamin an out zo.
Gladiators hian league-ah khelh khat la hmabak mahse a sang pahnihah an tel dawn chiang a, April 6-ah final an khel ang.