North Korea chuan phal loh, intercontinental ballistic missile (ICBM) chu kum 2017 hnua a vawi khat nan a enchhin niin South Korea leh Japan chuan a sawi.
Japanese thuneitute chuan darkar khat chuang chhunga km 1,100 vel a thlawh hnuah Japanese tuipuiah a tla lut niin an sawi.
ICBM an tihte hi nuclear ralthuam phur thei tura an duan a ni a, North Korea hian United States ram thleng kap phak tur missile chher tura hma a lak zelna a ni.
North-in a ralthuam a enchhin do hi boruak \ha lo chawk chhuak thei niin an ram \henawm leh US chuan a dem hle.
Tun hnaiah missile erawh a enchhin dawt zut tho a ni.
US leh South Korea chuan an enchhin tam tak hi Pyongyang-in thlalem kah chhuah angin sawi mah se ICBM system enchhinna niin an sawi ve thung.
Ningania a enchhin pawh hi kum nga liam taa a enchhin aia thar leh chak zawk niin km 6,000 zeta thui kap phak niin Japanese thuneitute chuan an sawi.
South Korea sipaite chuan a chhan let nan lei, tuipui leh boruak a\angin missile panga a kap chhuak ve nghal a. US chuan North-in UN Security Council thutlukna palzuta a endik chu a dem thu a sawi.
“Inbiakna kawngka la khar a ni lo va; mahse, Pyongyang hian boruak a tichhe zel a ni,” tiin White House thupuangtu, Jen Psaki chuan a sawi.
South Korean President Moon Jae-in pawhin a dem thu sawiin, Chairman Kim Jong-un-a’n khawvel hmaa intercontinental ballistic missile kah a tum loh thu a sawi chu bawhchhiat a ni tih a sawi.
US leh South Korea hian tun hnaiah North Korea chuan kum 2017 hnua a vawi khat nan ICBM a enchhin dawn hnai niin an lo sawi lawk tawh.
March 16 khan North Korea hian missile ni ngeia hriat kap chhuakin Pyongyang a pelh hnu lawkah a puak niin South Korean sipaite chuan an sawi.
Kum 2018 khan Kim Jong-un-a chuan long-range ballistic missile leh nuclear a enchhin a tawpsan dawn thu hetih laia US President Donald Trump nen an inbiaknaah a sawi.
Mahse, kum 2020 khan Kim-a hian he a intiamna hi a kalpui reng dawn loh thu a sawi leh.
Ningania an enchhin hi thlalem a\anga lakah chuan tun thla tura Punggye-ri-a nuclear testing facility a\anga an kah chhuahna hmun tho kha nia hriat a ni a. He hmun siam hian North-in nuclear ralthuam leh long-range missile a enchhin zui zel rinna a siam.
He hmun hi an ram hmarchhaka awm niin kum 2018-a Kim-a a intiam hnu lawkah khan bomb darh vek a lo ni tawh.