United Kingdom sorkar in Chelsea hnena special license an pek chu an tihdanglam hnuah club in away inkhel, cup inkhel leh hmeichhe team inkhel an hmachhawn turahte ticket hralh an phalsak.
UK sorkar in club neitu Roman Abramovich a hrek avangin Chelsea hian ticket an hralh thei lo mek a, tuna an license tihdanglam kaltlang hian ticket hralhna te hi Premier League-ah a kal vek phawt anga. Heta \ang hian club hnenah sorkar phal dan angin sum a kal leh ang.
Special license tihdanglam hnuah hian Roman Abramovich-a company Fordstam Ltd chuan Chelsea hnenah club inenkawlna turin Pound maktaduai 30 an pe bawk ang.
He special license hnuaiah hian Chelsea in Real Madrid nena Champions League quarter-final an khelh turah ticket an hralh thei dawn tihna a ni a. Wembley a khelh tur FA Cup semi-final atan pawh ticket an hralh thei tawh ang.
Away fans ten Stamford Bridge-ah ticket an lei thei anga, heta sum lut hi Premier League-ah vek a kal ang.