AZL: Human Resources Development (HRD) Board \hukhawm chuan sorkar sikul-ah uniform inang neih an rel a. Sikul zawng zawngah a tam thei ang ber ‘Aw Nang, Kan Lal Kan Pathian’ tih hla sa \hin turin sikul tinte ngen an rel bawk.
School Education Minister Lalchhandama Ralte hoa HRD Board \hukhawm chuan, sorkar skulah-ah uniform inang nei turin sorkarah thlen nan rel a. SOP in sikul Assembly neih a remtih hunah kalpui turin sikul \an hmain ‘Aw Nang, Kan Lal Kan Pathian’ tih hla chu a tam thei ang ber sa \hin turin sikul tin ngen an rel a ni.
|hutkhawmah hian Minister Lalchhandama Ralte chuan hripui leng kaah HRD Board chuan hna an thawk reng tih a sawi a. An hmalaknain Covid-19 avanga hna lak theih loh karah mamawh zual phuhruk nan Chief Minister Zoramthanga hnenah zirtirtu rawih lailawkna tur dil a nih thu te, 2021-2022 Academic Session-ah High School zirtirtu 157 lak nan Rs. nuai 157 hmuh a nih thu leh a hnuah indaih lohna Rs. nuai 53 hmuh leh anih dan te, kum 2022-2023 atan High School zirtirtu 199, Middle School 67, Primary School 191 bakah High School Exam Centre atan LDC 36 leh IV-Grade 27 rawih lai lawkna atan Rs. nuai 380 hmuh a nih thu a sawi.
HRD Board Vice Chairman L.Thangmawia chuan, Board hmalaknain Mizo Language Development Board Bill chu Assembly House-ah pass a nih hnuah Governor pawmpuina hmuh a nih thu leh official gazette nghah mek a nih thu a sawi a. Covid-19 hripui len laiin zirtirtuten online hmanga zirtirna an kalpui theih nan online training neihpui a nih thu leh zirtirtuten an hlawkpui thu te, HRD Board bultumin Online International Workshop-cum-Conference on Mathematics Education chu MZU, University of Guadalajara, Mexico te nen tangtlangin buatsaih a nih thute a sawi a. Zirtirtute leh zirlaite hman \angkai theih tur project chi hrang hrang chu a kalna tur hmunah thehluh anih dan te a sawi bawk.
Board \hutkhawmah hian Minister leh Board Vice chairman te bakah Dr Lalzirmawia Chhangte, Secretary leh Board member dangte an tel a ni.