EDITORIAL 26/3/22

Beisei pha ngei turin Language board awm se

Mizoram Legislative Assembly pakua-na, session vawi 9-na chuan, March ni 10, 2022 khan School Education Department atanga lut, ‘Mizo Language Development Bill, 2022’ chu an pawm a, he bill hi Mizoram larsap pawhin a pawmpui tawh a, sorkar gazetted-a tihchhuah a nih velah a taka kalpui theih a ni tawh dawn a ni.
Thu lawmawm a ni a, hemi kawnga hmalatu leh lo zirchiang a, ke pen hmasatute an fakawm hle bawk. A taka tangkai zawka ke an pen thuai thuai zel a tul bawk. Chutiang tura an inbuatsaih ngei pawh ring bawk ila, mizo tawng hmakhua kal zel turah hlawhtlinna ropui tak niin a hriat a ni.
Engtiang chiahin nge he board hi kan hman chhoh ang a, kalpui a nih chhoh ang tih erawh hunin a la rawn hril turah ngai ila, thu leh hla lama pawl hrang hrang dingte pawhin rawtna leh thurawn an neih ang ang, anmahni lam atanga harsatna awm thinte thlen leh chinfel kawngah awlsamna an neih phah ngei theihna tur erawh lo nise, bill tha tak, board changtlung tak an nih chhoh beisei zel phawt teh ang.
Minister sawi danin, Language Board awmna tur office tur pawh ngaihtuah nghal a nih thu leh hemi atan hian chief minister hnenah pawh ziaka dilna a thlen tawh thu hriat a ni a, board chairman tur pawh sorkarin pawngpaw ruat mai lovin, a thlangtu tur ‘Search Committee’ din a tul dawn nia a hriat thu a sawi bawk a, fimkhur leh uluk takin kalpui hna pawh thawk zel bawk teh se.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427