Aizawl : Kangmei thelh hna an thawhna kawnga nunna chante hriatreng nan kumtina India ram puma hman thin Fire Service Week chu ni 14-20 April 2022 chhung hian hman a ni leh dawn a, ni 14 April chu Fire Service Day ah hman a ni ang.
Fire Service Week thupui atan ‘I neihsa a lo pun lehzual theih nan kangmei lakah fimkhur zir ang che’ tih hman a ni dawn a. He hapta hman dan tur ngaihtuah hian nimin khan Home department commissioner & secretary H. Lalengmawia hovin a kaihhnawih mipawimawhte an thukhawm a. Kangmeiin chhiatna nasa tak a thlen theih avanga fimkhur a pawimawh zia mipuiah inzirtir thar leh na tura hmalakna tur hrang hrang an duang.
Fire & Emergency services, Mizoram-in a chhinchhiah danin kum 2019 – March 2022 in- karah Mizoram chhungah kangmei \um 607, chenna in ah vawi 178 leh ram kang \um 429 a thleng a, nunna chan 8 an awm. Kangmei vanga bungrua/hmanrua/ran etc tihchhiat zawng za- wng hlutna belhkhawm Rs 1,11,55,09,125 a ni bawk a ni.