Aizawl : Treasury Square, Aizawl-a PC party pisa chu March ni 24 tlai dar 5 leh ni 25 zing dar 9 inkar khan kan kawngkapui kar chhiaa rawk a nih thu PC party hruaitu ten an sawi.
PC party hruaitute chuan lak awlsam taka awm computer set leh electronic hmanraw hrang hrang pakhatmah bo a awm lo tih sawiin, document dahna leh pawisa awm theihna chi almirah hrang hrang erawh kar chhiaa haileh a nih thu an sawi a. He thil thleng chungchangah hian PC party treasurer HK Liansawta hminga FIR thehluh a nih thu leh Police leh Forensic lamin hma an lak nghal thu an sawi.
Pawikhawihtute police-in an man chhuah thuai an beisei thu PC party hruaitute chuan an sawi a. PC party Sr. vice president Vanlalruata chuan “Party-in hmalakna hrang hrang kan kalpui mek a, hmasawn zawngin kan kal a, kan office building sak ṭhat kan tum bawk a, sum leh pai chungchangah hmasawnna kan nei zel a, party a ṭhang mek a, party hmasawnna tih ṭhuanawp tumna a awm hial emaw tih theih a ni” tiin he thil thleng chungchang hi a sawi bawk.