Yogi Adityanath chu Zirtawpni khan a vawi hnih nan Uttar Pradesh chief minister atan Lucknow-a Bharat Ratna Atal Bihari Vajpayee Ekana Cricket Stadium-ah rinawmna thu tiamtira lak luh a ni leh ta.
Prime Minister Narendra Modi, Home Minister Amit Shah leh Defence Minister Rajnath Singh te chu lak luh inkhawma BJP hruaitu lawk zual tel an ni a. Adityanath hi Governor Anandiben Patel-a’n mipui khat tlat khelmualah hian rinawmna thu a tiamtir.
Yogi-a hi Unnao Lok Sabha bialah kum 2004 leh 2009 inkar MP a lo ni tawh.
Keshav Prasad Maurya pawh a vawi hnih nan deputy chief minister atan lak luh leh a ni a. BJP hruaitu hi Sirathu bialah thlan tlin zawh ni lo mah se UP cabinet-ah a tel leh dawn a ni.
Rashtriya Swayamsevak Sangh (RSS) leh Vishva Hindu Parishad (VHP) – Bajrang Dal nena inkungkaihna thuk tak nei, Maurya pawh hi MP hlui niin kum 2014 inthlanpuiah khan Phulpur bial, Prayagraj district-ah thlan tlin a ni tawh.
Yogi-a sorkar term liam ta chiaha cabinet minister, Brajesh Pathak chu deputy chief minister atan lak luh a ni bawk a, Dinesh Sharma a thlak.
Brahmin hruaitu hi inthlanah khan Lucknow Cantonment bial a\anga thlan tlin a ni.
Kum 2017 khan Pathak-a hi Bahujan Samaj Party a\angin BJP zawmin Home Minister Shah leh Union Minister Mahesh Sharma ten an lawm lut.
Uttarakhand governor hlui, Baby Rani Maurya pawh Yogi cabinet-a tel thar zingah a tel a. Dalit hnam hruaitu hriat hlawh, Jatav hnam a ni a, Agra mayor pawh lo ni tawh a ni.
Suresh Kumar Khanna, Surya Pratap Shahi, Swatantra Dev Singh, Laxmi Narayan Chaudhary, Jaivir Singh, Dharam Pal Singh leh Nand Gopal Gupta ‘Nandi’ te chu minister atana lak luh zinga hriat hlawh sa zual an ni bawk.
Luk luh inkhawm neih hma hian MLA leh MLC atana thlan tharte chuan Yogi-a hi a chenna inah an tlawh a, a tam zawk hi minister ni turte an ni.
Yogi-a hi Ningani khan BJP MLA rual \hukhawm chuan chief minister atan hian an thlang a. BJP hian tun inthlalak khan a zawna vawi hnih nan hnehna changin kum 40 dawn hnua India-a mihring tamna ber state-a a zawna an sorkar leh hmasak ber a ni.