Indian Premier League season 15-na chu Inrinni zan khan khelh \an a ni a. Champion lai Chennai Super Kings tan veteran Mahendra Singh Dhoni chuan a vanglai herchhuak lehin bat hmanga innings khartu \ha a nihna lantir mahse Kolkata Knight Riders lakah an chak zo lova, wicket 6 in an tlawm.
Wankhede Stadium-ah Kolkata bowler-ten pitch awmdan an hmang thiam a, CSK tan Dhoni chet\hat bak erawh langsar taka che han sawi tur an awm loh avangin champion lai in run 131 bak an tlin lo.
Knight Riders bowler zingah Umesh Yadav a che \ha a, ball thar hmang thiamin CSK opener pahnih philtu a ni a. Spinner pahnih Varun Chakravarthy leh Sunil Narine ten an pahnih belhkhawmin over 8 an vawm a, run 38 chiah an pek chu KKR dinhmun ti\hatu a ni.
CSK tana ball 38 a\anga run 50 siamtu Dhoni-a hovin over hnuhnung pathum a\ang run 47 ngawt vaw chhuak mahse an chakna ni lovin an mualpho tur daltu chauh a ni pha.
KKR tan Ajinkya Rahane chuan ball 34 a\ang run 44 siamin bul a \an a, midang pathumin run 20 chuang \heuh an siam bakah Kolkata tana inlan hman batsman parukten strike rate 100 aia hniam lo vek an nei a. Over 18.3-ah run 133 siamin harsatna nei lovin hnehna an chang.