Aizawl: Congress party President Lalsawta chuan Mizorama sports leh hriselna lama hmasawnna zawng zawngte chu an party hnathawh vek a nih thu a sawi.
Mizoram chhim lam fanga ‘Chhim Hrut Fehchhuah’ hun hman mekah khaw hrang hranga vantlan inkhawm buatsaihah thu sawiin MPCC President Lalsawta chuan Congress party-in Falkawn Referral Hospital leh medical college a din chhoh dan chu ropui tak a nih thu a sawi a. “MNF sorkar khan ar vulh nana an lo hman mai mai tawh avangin hmalak a harsa hle a. Amaherawhchu, Congress party hruaitute khan tihhlawhtlin tumna tak tak an neih tlat avangin harsatna tam tak paltlangin referral hospital din a lo ni ta a. Tunah chuan kan kawtkai ngeiah kan \halaiten MBBS an zir thei ta,” tiin, heng zawng zawng hi Congress party hnathawh vek a nih thu a sawi.
Lalsawta hian Mizorama sports hmasawnna zozaite hi Zodintluanga Ralte hona hnuaia Congress sorkar laia siam vek a nih thu sawiin, “Pu Zodintluanga Ralte enkawlna hnuaiah Mizoramin sports lamah hmasawnna nasa tak a nei a. |halaiten an mamawhzia hriain Mizoram hmun hrang hrangah infiamna hmunhma \ha tak tak din a ni bawk. Pu Zodintluanga kaihhruaina hnuaia sports lama Mizoram hmasawnna hi engti kawng maha sawi nep chi a ni lo. A hrechiang apiangin an fak mai a ni,” a ti.
MNF chu sawi lamah an chak a, thiltih erawh a tlem a, hmasawnna hmel hmuh tur a vang em em tih sawiin, “Kawng engkimah Covid-19 an chhuanlam laiin Kamrula-te an duhsakna kawng erawh a dal ve reng reng lo. MNF sorkar duhsakna dawngtu hi mi tlemte chauh an awm a, mipui a thleng pha lo a ni,” Lalsawta hian a ti bawk.
MPCC Vice President Lal Thanzara pawhin thu sawiin, “Pu Sawta finance management thiam kha MNF-in an chhawr nasa hle a, Pu Sawta sum khawl sa an chen ham ham a, budget an siam ve a\ang chiahin an talbuai zo ta a ni,” a ti a. Tuna MNF sorkar hnuaiah sorkar hnathawkten Congress sorkar laia an tawn ngai loh harsatna an neih nasat tak thu a sawi.
Thusawitu dang, MPCC Treasurer Zodintluanga Ralte chuan, “Mizoram mipui hian duh an thlang mek a, mipui hian \hat an duh a, hmasawn an duh. Mi sualte, mi huamhapte awm theih lohna sorkar mipuiin siam an duh a, Congress Party-in |hat loh theih lohna sorkar kan din turah hian rinna an nghat chho mek a ni,” a ti.
Zodintluanga Ralte chuan \hat theih miah lohna bawm chu MNF an ni tih a sawi a. |hat hleih theih lohna bawm chu ZPM ho an ni leh bawk tih sawiin, “Tunah hian kan ram hi a dam lo mek a, kan CM erawh a dam \ha hle,” a ti bawk.
Congress Party-in Mizoram chhim lam fang a, ‘Chhim Hrut Fehchhuah’ hun a hman mekah Siaha leh Hnahthial inkar khaw hrang hrang – Bualpui NG, Siachangkawn, South Lungpher, Sangau, S. Vanlaiphai leh Darzo khuate an tlawh a ni.