Aizawl: Lai Autonomous District Council hnuaia MDC-te chu Covid-19 do nan Rs 30000 \heuh pek an nih thu CEM V. Zirsanga’n nimina LADC Budget Session neihah a sawi.
Kar kalta Zirtawpni a\anga neih \an LADC budget session chu nimin khan chhunzawm leh a ni a, zawhna leh chhanna hunah V Zirsanga chuan Assistant Relating to Covid-19 2021-2022 Head a\angin MDC te chu an bial chhunga Covid-19 do nan Rs 30,000 pek an nih thu a sawi.
LADC term kal mekah VC member pakhat suspend a nih thu LAD changtu EM C.Rongura chuan zawhna chhangin a sawi a, Show Cause Notice pek VC panga an awm mek thu leh chungte chu Nghalimlui, Chikhurlui, Vartek, Chamdurtlang I leh Rawlbuk an nih thu leh Executive term kal mekah VC member bânna thehlut an la awm loh thu a sawi.
LADC Budget Session hi March 30 thleng awh tur a ni a. Nialiniah hian LADC Budget 2022-2023 chu pawm a ni ang. LADC Budget Session neih mekah hian Starred Question pariat lutin, Official Bills/Business 12 a lut bawk a ni.