Aizawl : Food, Civil Supplies & Consumer Affairs (FCS&CA) department chuan May 2022 a\angin ePoS kaltlang loa (manual) ration inpek a remchan tawh loh avangin aadhar leh ration card thlunzawm turin an ngen.
Thuchhuah an siamah, hri pui leng avanga nunphung nasa taka a khaihlak avang leh tum anga chet lak a harsat avangin, tun thleng hian ration card leh aadhar thlunzawm lote pawhin ration an chan alohna’n Special Allotment te siamsakin, ePoS kaltlang loin ration pek \hin a ni a. He kalphung hi sorkar laipui thupek kalh a anih avang leh, sorkar laipuiin thupekte khaih taka kengkawh tura state sorlkar a rawn hriattir tawh avangin, ePoS kaltlang loa (manual) ration inpek reng a remchang tawh loh thu an tar lang.
Danin a phut angin electronic platform (ePoS device leh digital weighing scale) chauh hmangin retailer (FPS dealers) te’n TPDS beneficiary te hnenah ration an sem \hin tur a tih laiin, aadhaar leh ration card thlunzawmlote tan ePoS device hmangin ration a lak theih loh avangin, aadhaar leh ration card la thlunzawmlote chuan ni April 20, 2022 ral hma ngeiin an thlunzawm vek turin an ngen a ni.
Hun tiam chhunga aadhaar leh ration card la thlunzawm ve lote hnenah May 2022 a\angin an thlunzawm hma chu ration pek an ni tawh dawn lo a, he hriattirna hi sawibuai theih a nih loh thu an tar lang bawk.