- Putin leh Zelenskyy erawh inbe dawn lo
Russia-in Ukraine a rûn mek zelah ram pahnih aiawhte hi Thawhlehni a\ang hian remna zawnga inbiak leh tumin an inpuahchah mek a. Hetih lai hian president ve ve erawh an inbe dawn lo niin a lang.
Russian foreign minister chuan Vladimir Putin leh President Volodymyr Zelenskyy te chu tun maiah chuan an inbe dawn lo niin a sawi.
Sergey Lavrov-a tun rum ruma president-te inbiak chu thil thleng mek dodalna mai mai a nih zawk tur thu leh Ukraine leh Russia ramten inrem lohna an neih len zualte an inpawm tawnsak hunah chuan a thleng dawn niin a sawi bawk.
Zelenskyy-a hian a hma a\ang tawhin hmaichhana Putin-a nena inbiak chu indona titawpna tur nia ngaiin a lo sawi tawh \hin.
Hetih lai hian Kremlin chuan Turkey-a Russia leh Ukraine aiawhte inbiakna neih tawh chu Thawhlehni hian an chhunzawm thei dawn niin a sawi.
Putin-a leh Turkish President Recep Tayyip Erdogan chuan Pathiannia telephone-a an inbiaknaah Istanbul-a inbiakna thlen an remti dun a, Ankara chuan inbiakna lo awm tur hian inkahhai puanna tur sawi chhuah theih ngei a beisei.
Turkey hian Thawh\anni a\anga inbiak \an mai a rawt zawk a; mahse, Kremlin thupuangtu, Dmitry Peskov chuan inbiaknaa tel turte hian a hmun an thlen mai theih dawn loh avangin \an nghal mai theih a ni lo niin a sawi.
Peskov chuan a hmaa inbiakna vawi eng emaw zat neih tawhin rah \ha a chhuah theih loh avangin hmaichhana sawiho chu thil pawimawh tak a nih thu a sawi bawk.