Tualchhung cricket a 2nd Division inelna boruak a ngaihnawm zel a. Zemabawk Pitchers Cricket Club chuan Venghnuai Raiders Cricket Club lakah run 16 in hnehna an chang a. Khaled Memorial 2nd Division Screening Tournament-ah final khelh inbeiseina an la nei.
Durtlang Playground a over 30 inkhelah Pitchers in vuak hmasak an thlang a, an vaw \ha hle.
Zomuansanga leh Lalramluahpuia Zote ten 49 leh 48 an siam a, midangin run 10 chuang \heuh thawh bawkin run 205 an siam.
Venghnuai team tan opener Golden Lalchhuanmawia leh Arvind Kumar ten run 51 leh 52 in beihletnaah hma hruai mahse a tawp an khar thei lova. Over 30-ah run 189 bak an tlin lo.
2nd Division final-ah hain Gladiators CC an tling chiang tawh a, final khel tura beiseina la nei hi team li an la awm a. Team zawng zawngin league match 9 \heuh an khel ang.